What does Balance Center do?

Balance Center supports businesses, startups, and entrepreneurs in Albania through training, mentoring, and innovation programs.

Do you offer training for startups?

Yes, we provide entrepreneurship training programs, including CEFE methodology and startup support workshops.

Who can join your programs?

Our programs are open to all entrepreneurs, businesses, youth, and community members interested in business development.

Qendra Balance

Projekti i suportuar nga iniciativa TEYC dhe Bashkia Tirane.

Nje program inkubimi per start-upet inovatore te teknologjise dhe te gjerlberta duke synuar te zhvilloje mendesine sipermarrese inovatore dhe kreative.

IDEA TEYC

IDEA TEYC është një konkurs idesh të sipërmarrësve të rinj dhe program zhvillimi i cili synon të zhvillojë mëndësinë sipërmarrëse, inovacionin dhe sipërmarrjen kreative. Organizohet në kuadër të programit Tirana Kryeqyteti Evropian i Rinisë 2022 me mbështetje financiare të Kongresit Rinor Kombëtar në bashkëpunim me Bashkinë Tiranë.

Info për programin

Programi i bashkëpunimit dypalësh të zhvillimit “Zhvillim i qëndrueshëm ekonomik dhe rajonal, promovimi i punësimit, edukimit dhe trajnimit profesional në Shqipëri” (ProSEED) financohet nga Ministria Gjermane për Bashkëpunimin dhe Zhvillimin Ekonomik dhe zbatohet nga GIZ. Projekti mbështet Ministrinë Shqiptare të Financave dhe Ekonomisë (MFE), Zyrën e Kryeministrit (ZKM) dhe institucionet e tjera përkatëse, siç është Agjencia Shqiptare e Zhvillimit të Investimeve (AIDA). Një element kyç i projektit është të kontribuojë në Strategjinë Shqiptare të Zhvillimit të Biznesit dhe të Investimeve 2014-2020 dhe në shtyllën e tij të 2-të për Rritjen SMART: Rritja e Kualifikimit të Fuqisë Punëtore dhe masat e parashikuara për “zhvillimin e programeve të trajnimit dhe moduleve përkatëse për sipërmarrjen”.

Moduli 1: Koha per te filluar. Moduli i trajnimit dy ditor “Koha për të filluar” do të mbulojë tema mbi kompetencat sipërmarrëse të tilla si: personaliteti i sipërmarrësit, vetëbesimi, gjetja e mundësive, krijimi dhe përzgjedhja e ideve, pranimi i përgjegjësisë, angazhimi në punë grupi, aftësitë prezantuese, zhvillimi i zgjidhjeve dhe prototipi i produktit . Një sipërmarrës mund të jetë më i suksesshëm kur ai/ajo zhvillon zgjidhje. Me këtë ai/ajo bëhet ekspert i produktit të saj dhe shumicën e kohës, ai/ajo është prototipi i klientit të saj. Pjesëmarrësit përcaktojnë problemin e tyre dhe përfundojnë zgjidhjen, e cila nga ana tjetër çon në produktin që ata duan të zhvillojnë.

Moduli 2: Kap tregun. Trajnimi dy ditor mbi planifikimin e biznesit do të mbulojë tema të tilla si: Lean Canvas, zgjidhja e problemeve, metrikat kryesore, aktivitetet kryesore, burimet kryesore, marrëdhëniet me klientët, mix marketingu, aftësitë e drejtimit dhe menaxhimit; organizimin e prodhimit, deklarimin e të ardhurave, të shpenzimeve, mjetet e marketingut dixhital dhe përgatitjen e planit të biznesit. Pjesëmarrësit do të kenë një pushim për të kryer kërkime të mëtejshme, për të zgjeruar tregun dhe për të marrë coaching(keshillim) të përshtatshem.

Trajnimi 2 ditor mbi inovacionin dhe aftesine per tu ripershtatur, do të mbulojë tema të tilla si: të kuptuarit e tregut, pjesët e tregut dhe studimi i tyre, aftësia për t’u përshtatur me ndryshimin e tregut, marrja e moderuar e rrezikut, vendimmarrja, strukturat e biznesit dhe aspekti ligjor, këmbëngulja, rregullat dhe mjetet e krijimtarisë , sipërmarrës qe ripershtaten, efikasiteti i burimeve dhe udhëheqja e shkathët. Pjesëmarrësit do të kenë një pushim për të kryer kërkime të mëtejshme dhe reflektuar mbi idetë e tyre të biznesit, si edhe do të marrin coaching (keshillim) të përshtatshem.

Pjesëmarrësit do të vazhdojnë me trajnimin 2 ditor mbi menaxhimin financiar që do të mbulojë tema të tilla si: kostot, investimet dhe plani financiar, si dhe pasqyrat financiare (fitimi dhe humbja, fluksi i parasë, bilanci), do përcaktojnë produktin minimal të zbatueshëm, financimin alternativ. Para se të bëjnë prezantimet përfundimtare, pjesëmarrësit do të marrin coaching gjatë gjithë procesit.

Një udhëtim I gjallë dhe vibrant për 5 muaj me trajnime me shumë pjesmarrje gjatë fundjavave, me lojrat për aftësite sipërmarrese, sesionet e këshillimit individual dhe në grup, mentorimi me sipërmarrës të suksesshëm. Programi kulmon me eventin final kombëtar të ideve të biznesit, fituesit do të marrin mbështetje financiare dhe këshillim të mëtejshëm nga acceleratorë vendas dhe të huaj.

MBESHTETUR NGA:

Ky projekt organizohet në kuadër të programit Tirana Kryeqyteti Evropian i Rinisë 2022 me mbështetjen financiare të Kongresit Rinor Kombëtar në bashkëpunim me Bashkinë Tiranë